|
||
|
(69) R. 81 = ed. RIESE |
|
|
||
|
(69) R. 81 = ed. RIESE |
69. <VERSVS> ANAC<YC>LICI 81 R. |
||||
| Blanditias fera Mors Veneris persensit amando, | ||||
| permisit solitae nec Styga tristitiae: | ||||
| tristitiae Styga nec solitae permisit; amando | ||||
| persensit Veneris Mors fera blanditias. | ||||
| 5 | Omnipotens pater huic sempre concessit amori, | |||
| fecit nec requiem tot sibi fulminbus: | ||||
| fulminibus sibi tot requiem nec fecit amori; | ||||
| concessit semper huic pater omnipotens. | ||||
| Purpureus tibi flos vultum non pingit, Iacche, | ||||
| 10 | monstrat ne<c>mitem frons nova laetitiam: | |||
| laetitiam nova frons mitem non monstrat, Iacche; | ||||
| pingit non vultum flos tibi purpureus. | ||||
| Occubuit minor huic, fractis et viribus astu | ||||
| torpuit oppressus Amphitryoniades: | ||||
| 15 | Amphitryoniades oppressus torpuit astu | |||
| viribus et fractis huic minor occubuit. | ||||
| Incaluit iubar hoc externis ignibus ardens | ||||
| fortius; ardorem Sol sibi congeminat: | ||||
| congeminat sibi Sol ardorem; fortius ardens | ||||
| 20 | ignibus externis hoc iubar incaluit. | |||
| Deposita face Nox quaesivi<t> lumina Phoebes, | ||||
| vulnere sed blandus hanc t<enet> Endymion: | ||||
| Endymion tenet hanc blandus sed vulnere; Phoebes | ||||
| lumina quaesivit Nox face deposita. | ||||
| 25 | Armipotens deus hoc suspirat pondere, vulnus | |||
| ferrea nec rabies aut furor exsuperat: | ||||
| exsuperat furor aut rabies nec ferrea vulnus; | ||||
| pondere suspirat hoc deus armipotens. | ||||
| Inpatiens Venus est, silvas dum lustrat Adonis; | ||||
| 30 | carpit si Martem, iam cui conveniat? | |||
| Conveniat cui iam, Martem si carpit? Adonis | ||||
| lustrat dum silvas, est Venus inpatiens. | ||||
|
|
|
|