ANONIMI
Carmina
Anthologiae Latinae

(78-99)

R. = ed. RIESE

 

 
78. PRAEFATIO
     90 R.
 
   
Parvula quod lusit, sensit quod iunior aetas
     quod sale Pierio garrula lingua sonat,
  hoc opus inclusit. Tu, lector, corde perito
     omnia perpendens delige quod placeat.
   
   
   
    79. DE VELO ECCLESIAE    91 R.

 
    ...............................................................................  
   
   
   
    80.      91a R.  
   
  Omnia uae poscis dominum, si credis, habebis.  
     Quae bona vota petunt, recipit alma fides.  
   
   
   
    81. DE CHRISTIANO INFANTE                   MORTVO     92 R.  
   
  Nobilis atque insons occasu inpubes acerbo  
     decessit, lacrimas omnibus incutiens.  
  Sed quia regna patent semper caelestia iustis  
     atque animus caelos inmaculatus adit,  
     5 damnantes fletus casum laudemus ephebi,
     qui sine peccato raptus ad astra viget.
    Felix morte sua est, celeri quem funere constat  
       non liquisse patrem, sed placuisse deo.  
   
   
   
    82. DE IVDICIO SALOMONIS     93 R.  
   
    Inventa est ferro pietas prolemque negando  
       conserva<t> mater, contempto pignore victrix.  
   
   
   
    83. DE CEREO      94 R.  
   
    Lenta paludigenam vestivit cera papyrum,  
       lumini ut accenso dent alimenta simul.  
   
   
   
    84. ALITER     95 R.  
   
    Ut devota piis clarescant lumina templis,  
       Niliacam texit cerea lamna budam;  
    congrua votiferae submittit pabula flammae,  
       quae castis apibus praebuit ante domus.  
   
   
   
    85. DE MAGISTRO LVDI
        NEGLEGENTI      96 R.
 
   
    Indoctus teneram suscepit cauculo pubem  
       quam cogat primas discere litterulas.  
    Sed cum discipulos nullo terrore coercet  
       et ferulis culpas tollere cessat iners,  
     5 proiectis pueris tabulis Floralia ludunt.  
       Iam nomen ludi rite magister habet.  
   
   
   
    86. DE BELLEROPHONTE   97 R.  
   
    Bellerophon superans incendia dira Chimerae  
       victor Gorgoneo nubila tangit equo.  
   
   
   
    87. DE CHIMAERA     98 R.  
   
    Ore leo tergoque caper postremaque serpens,  
       bellua tergemino mittit ab ore faces.  
   
   
   
    88. DE LAVCONTE     99 R.  
   
    Laucontem gemini distendunt nexibus angues  
       cumque suis genitis sors habet una patrem.  
    Quod tantum iligni violarit terga caballi,  
       hinc lacerasse ferunt saeva venena virum.  
     5 Quid sperare datur superum iam numine laeso,  
       cum sic irasci lignus ardor ecus?  
   
   
   
    89. DE TEMPLO VENERIS QVOD
        AD MVROS <EXTRVENDOS    
        DIRVTVM EST>     100 R.
 
   
    Caeduntur rastris veteris miracula templi  
       inque usum belli tecta sacrata ruunt.  
    Nam quae deiectis volvuntur saxa columnis,  
       haec sunt murorum mox relocanda minis.  
     5 Dilati Mavors conpendia cepit amoris;  
       per muros quaerit iam sua templa Venus.  
   
   
   
    90. DE BASTERNA  101 R.  
   
    Aurea matronas claudit basterana pudicas,  
       quae radians patulum gestat utrumque latus.  
    Hanc geminus portat duplici sub robore burdo,  
       provehit et modico pendula saepta gradu.  
     5 Provisum est caute, ne per loca publica pergens  
       fucetur visis casta marita viris.  
   
   
   
    91. DE MEDEA CVM FILIIS SVIS 102 R.  
   
    Opprimit insontes infidi causa parentis  
       Iasonis et nati crimina moret luunt.  
  Sed quamvis mater vivo viduata marito  
     coniugis in poenam pignora cara metat,  
     5 sacra tamen pietas insanae mitigat ausus:  
       hunc furiata premit, hunc miserata levat.  
   
   
   
    92. DE HOMINE    
        QVI PER SE MOLEBAT    183 R.
 
   
    Cum possis parvo sumptu conducere asellum,  
       qui soleat teretes volvere rite molas,  
    cur nummi cupidus sic te contemnis, amice,  
       ut cupias duro subdere colla iugo?  
     5 Linque, precor, gyros. Poteris pistore ministro  
       candentis quadrae munus habere sedens.  
    Per te namque terens Cererem patiere labores  
       quos quaerens natam pertulit ipsa Ceres.  
   
   
   
    93. DE FORMICA    104 R.  
   
    Verrit tetra boum gratos formica labores  
       et caveis fruges turba nigella locat,  
    quae, licet exiguo videatur pectore, sollers  
       colligit hibernae commoda grana fami.  
     5 Hanc iuste famulam nigri iam dixeris Orci,  
       quam color et factu conposuit domino.  
    Namque ut Plutonis rapta est Proserpina curru,  
       sic formicarum verritur ore Ceres.  
   
   
   
    94. DE HECVBA   105 R.  
   
    Prole viro regnoque carens Priameia coniunx  
       dura sorte venit sub iuga nunc Ithaci;  
    quae cupiens tantos lacrimis aequare dolores  
   

   perpetuo planctu transit in ora canis.

 
     5 Quid valeat, variis monstrat Fortuna figuris:  
       post regnum in vico saucia latrat anus.  
   
   
   
    95. DE ANSERE   106 R.  
   
    Aedibus in nostris volitans argenteus anser  
       dulcisono strepitu colla canora levat.  
    Ales grata bono duplici; nam fercula mensae
       conplet et adservat nocte silente domum.
     5 Solus Tarpeia canibus in rupe quietis
       eripuit Gallis Romula tecta vigil.
   
   
   
    96. DE SEPIA    107 R.  
   
    Femineo geminum designat numine sexum
       et candens piceum sepia claudit onus.
    Utilior nullus piscis per caerula oberrat,
       cui pretium capto debuit esse duplum.
     5 Praestat carne cibos, apicum dat felle figuras,
       atque brevi specie usum ad utrumque facit.
    Hanc potius doctos adsumere convenit escam,
       quae sapit in morsu et probat articulos.
   
   
   
    97. DE EVNVCHO    108 R.  
   
    Quem natura marem dederat, fit femina ferro;  
       nam teneri pubes viribus exuitur.  
    Hinc iuvenem cernis tanto sub robore mollem,  
       et dubii pulcher corporis extat homo.  
     5 Coniugibus cautis placita est monstrosa voluptas;  
       fidus enim custos qui sine teste datur.  
       
       
     
    98. ALITER    109 R.  
   
    Incertum ex certo sexum fert pube recisa,  
       quem tenerum secuit mercis avara manus.  
    Namque ita femineo eunuchus clune movetur  
       ut dubites quid sit, vir <magis> an mulier.  
     5 Omnem grammaticam castrator sustulit artem  
       qui docuit neutri esse hominem generis.  
       
       
     
    99. DE BALNEIS    110 R.  
   
    Hic ubi baiarum surrexit blanda voluptas  
       et rudibus splendens molibus extat opus,  
    rura prius, nullum domino paraestantia quaestum,  
       nullaque tecta tulit glebula frugis inops.  
     5 Haec nunc Bellator multo sublimis honore  
       vestivit cameris balnea pulchra locans.  
    Prospera fa<c>ta viri naturae munera mutant,  
       cum salsum salubri litus abundat aqua.  
    Alpheum fama est dulcem per Tethyos arva  
   10    currere nec laedi gurgitibus pelagi.  
    Dant simile exemplum nostri miracula fontis:  
       vicinum patitur nec sapit unda salum.  
     

 

Back to Rare texts page

 

Torna alla pagina philologica

 

 

Back to philological page